theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

U mih paidbah ka ECC haka 25 tarik hadien wa kut por wow pynkrehkaam ya ki hukum ka NGT

Ka Environment Coordination Committee (ECC) ka Elaka Sutnga daw mih paidbah ki ha ka 25 tarik uni u bnai deiwa sdang na 1 Kilo yow lai cha yung krehkaam u Deputy Commissioner ha Khliehriat.

Kani ka lai paidbah toh neidaw wym bna ka sorkar wow bood ya ka hukum ka National Green Tribunal, Kolkata heiyatoh wa ki karkhana Coke

Ka hukum toh kawa da pynmih nadooh ka 08-07-22 yow phah yaka sorkar wow daiñ kuna ya 31 tylli ki karkhana kiwa da chna khlem da yoh bor heiwa kani ka kuna dapoi ko T. 5.5 klur.

Ka NGT da phah ko leh yaka sorkar Meghalaya wow pynkhreh kammon wow pynman ya ki karkhana kiwa da yoh bor wow krehkaam chwa ka 23-12-20 yow sdang ki wow krehkaam katkam ki kyndon wa da pynbna da ka Meghalaya State Pollution Control Board (MSPCB).

Ka NGT da e por ko leh yaka sorkar 4 bnai wow leh yeini waroh iwa da kut por haka 8 tarik uni u bnai.

Neiliang ka ECC da pyntip ko leh wa da dep wow yachem wa u Symbood Montri Rangbah tangwa ym poi cheiwon cheiwon.

Hajrong ini i wym bna ka sorkar wow pyrkhat ya ki paidbah wow yoh ki wow im deiwa chait wa khiah, kamtæ da khut ya kiwa chong chong ka Elaka Sutnga wow mih paidbah yow chimbynta ha kani ka lai paidbah namo ka Rally ha ka 25-11-22.

Share this:
Previous

U pyrchah yei wan wai yaka Barato Police Outpost: Seiñbhalang

Next

Beiñ ka Catholic Association of Shillong yeiwa jia ha Mukroh