U montri ka sorkar jylla, u Wailadmiki Shylla ynne da ong u wa i rukom em u mooyong ha Meghalaya ymtoh uwa suk wow leh ya ka Opencast Mining, deiwa kdaw wa ini i rukom khloh ya u moo man iwa sy’at bha wei iwa myntoi du hawa khloh ya ka paar wa heh bha (large-scale operation).
Heiyatoh wa i dawa kiwa khih mooyong wow ye u sdang biang u tih ya uni u mar pohkhyndaw, u Wailadmiki da batai u wa boon na ki thaw tih mooyong toh kiwa khian næ kiwa da bhah tkut kamtæ man iwa eh ya kiwa khih moo u leh ki ya ka Opencast kawa sy’at.
U Wailadmiki da ong u wa ka sorkar da sñiawthooh ko yeiwa takhooh kiwa khih moo khian wei da thooh ki laad ki luti hajrong ini.
Da kdaw u leh ya ka hukum ka National Green Tribunal (NGT) wa Supreme Court kiwa da sñiawkhia bha yei rukom tih mooyong.
Heijooh i por da ong u wa ya i rai hi ymtoh iwa ye u leh da ka sorkar samen tangwa da em ki kyndon wa yah ka Court ya kiwa hap wow bood.
Discussion about this post