Chisien em uwi u bru nongrep kamjooh leh man u, u nong dai kho rachon. Tae heiwi i por katwa dang boonkaam u ha yung thap khoo, kammon rae kammon toh looid uka ka waje kti u, dep neitæ mylliñ thaw uka. Ym toh ka waje syad dor, hynrei man ko kawa kordor ya oo. Kat wa thooh uka leh, ym chem de u ka. Da kynreh lut u cha waroh ki thaw, jrong jrong poh poh, cha khyndaw waroh da dep thooh lut. Du chibet chipor deilang wa sniaw iñ da kot u u thooh, tã dam u toh ym chem de uka.
Katwa em khynnah wa ya kyndeh ke cha madan pchem, tæ tyrwa u ya ki, u thooh ki ka ka waje u, wei wa kular u wa kiwon kiwon wa chem ya ka daw e khusnaam u ya ki. Hadien wa sniaw ki khynnah wa daw yoh khusnaam, da yaknieh psyah ki heitæ i yung yoh u thooh ka. Tangwa kattæ leh ym chem ki ka.
Dang du wa mut utæ u bru ka u ieh, yow dam ka u thooh, wan uwi u khynnah wa rap khian na waroh kiwa ya kyndeh ke, tæ kylli u lada dang e laad biang u u thooh sa chisien nae kammon?
Utae u nongrep pait u cha oo wei pyrkhat u, ong wot u, ileh u dam u? waroh kitæ ki khynnah pait ki sia wei suki ki kiaw næ. Heitæ phah u oo utæ u khynnah yow psiah u cha dukan dai khoo hei thaw wa wiar ka oo yow thooh u ka. Hadien chibet chipor, mih u khynnah na yung ryngkat wa ka waje wa rah u ha kti. Hadooh katwon kmen utæ u bru wada chem utæ u khynnah ka ya oo, dep neitæ kylli utae u nongrep na u khynnah, kammon chem u ka ha kawa arsien? Ileh ym chem u ka haka sien wa nyngkong? Heiwon chem u ka leh? U khynnah jubab u, “nga ym em thooh aka, chong suki heh o ha khyndaw, tæ ap o. Hei langam, sniaw o wa em wa kieh yong waje tik tik tik , dep tæ pait o chei liang wa kieh, heitæ em kani ka waje”.
I sneiñ: kani mut ko wa i pyrkhat wa jaijai krehkaam bha ko chiboon ban yaka jabieñ wa kreh lyngaa. Kamtæ chi minit u e por phi u pynthynda yei jabieñ yong phi manka sngi daw yoo phi ha kawi ka sngi daw yarap ko u chna yaka mynried yong phi katkam wa kwah phi, kam ute u khynnah wa chem waje.
Discussion about this post