October 31, 2018
Advertisement
Jowai: Ka Kiang Nangbah Govt. College, Jowai u sdang noh ko u pdiang ya ka Online Payment neibynta wow su bai Admission/Exam Fees ki khynnah puræ lyngba ka SBI Collect.
Ya kani ka rai da chim hadien wa neiliang ka Kiang Nangbah Govt. College Students’ Union da chem ko yei eh kiwa boon wa ki khynnah puræ ha kani ka college boonsien ood ki ha ki naki por cha ki por hajrong wow pyndep ki u su ya ka bai Admission/Exam Fees ka yong ki heiwa boonsien haap chimpor da ki sngi wow yieñ line tang wow su, iwa da wanrah yei eh i khoo ya ki.
Advertisement
Neiliang kiwa yahkhmat ka Union da pyrchang ki u thooh ki laad ki luti heiwa kammon wow pynsuk ya ki khynnah puræ na ini i chem chitom ki khnang wow lait u sepai i por wa kordor yong ki tæ da chim ki ya ka laad ka luti wow leh noh daka Online Payment ryngkat i kreh lang yong ka College hi waroh kawi.
Ka Union leh yooluti ko wa lyngba ini i sdang wa khian i yong ki daw ye ko u yarap næ kyrchaan ya ki khynnah puræ kani ka College heiwa kammon u pynsuk chooh chooh ya ki ha kani ka bynta.
Neibynta wow su ya ka bai Admission/Exam Fees Online ha kani ka college emkaam u bood ya kini ki kyndon hawah:
- Type SBI Collect haka Web Browser yong phi.
- Click haka Terms and Conditions and Agreement dep tæ click Proceed.
- Select State of Corporate/Institution- “Meghalaya”, Select Type of Corporate/Institution- “Educational Institutions” dep tæ click “GO”.
- Educational Institution name- “Kiang Nangbah Govt College Jowai” deptæ click Submit.
- Select Payment Category – (Jied ya ki class wa puræ, e.g. Class XI, XII, BA, BSC, BCOM etc. Neitæ enter ya ki personal details yong phi katkam ki kot ki sla, hadien wa biang waroh tæ submit.
- Hadien wa dep ini waroh emkaam u pyndap ya ka ATM details ka yong ki khnang wow su ki neibynta ka Admission/Exam Fees ka yong ki.
- Emkaam u screenshot ya ka receipt wa dep su wei kamjooh leh wow download ya ki khnang yow man ki kam ki sakhi sabut wa dep su ya ka bai Admission/Exam Fees ka yong ki.
Kamjooh leh ya kitu ki wym tip u leh kammon wow su online ye ki u li su ya ka bai Admission/Exam Fees yong ki ha Office kamwa jooh leh nachwa katkam i por wada booh da ka office.
Wei neiliang ka Union ka College da kyntu ko ya ki khynnah puræ wa lada chem chitom ki halor kani ka kaam, ye ki u yachem wa kiwa kitkaam yong ka neibynta wow yoh yei pynche wa rap bniah.
Ini toh katkam wa pyntip ka President ka KNGCSU ka J. Lamare.
