U sahep ka Indian Air Force (IAF), u Group Captain Abhinandan Varthaman, uwa da chah siat ha ka Jet ka Pakistan Air Force ha u February 2019 da rai u wow chong-ngiah noh na ka IAF deiwa psiah wow kreh noh wa kawi ka Private Airline kam u Commercial Pilot.
U Varthaman toh uwa tipmit bha ki bru kam u Pilot ka IAF heiwa ha u February 2019 da sait u ya ka F-16 ka Pakistan ha ka 27 tarik deiwa pynemkaam da ka MiG-21 yong oo chwa wow chah siat u ha Nowshera hajan u Line of Control (LoC) wei da chah kem noh u ha ki Pakistan hadien wa mih (Eject) u napoh ka Jet u.
Hadien wa chah kem u da pynlait noh ka Pakistan ya oo ha ka 1 tarik u March 2019.
U Varthaman da pteiñ u wow em hapoh ka IAF heiwa da pynku kyrdan oo kam u Group Captain ha u December 2021 wei da yoh u leh ya Vir Chakra Award kawa pynkup burom ya ki bru wa leh ya ki kaam wa khroo heipor thma.
Da man u kam u Jet Pilot ka IAF la 22 snem .
Kattu u kreh noh u wa ka Airline kawa na Goa kawa tip kam ka FLY91 kawa pynemkaam da ki lieñsuiñ wa khian kiwa tip kam ki ATR 72-600.
Yow ye u leh yeini daw hap u wow pyndep yei chah sikai yow man kam u Commercial Pilot.
Discussion about this post