Hadien i pynche u Biangshwa Shylla, President ka seiñ Jaintia Hills Truck Owners Association (JHTOA) wa u Balen Thubru pynbaad u wa lehbor u yaki paidbah wei yut u napoh ka Meeting kawa da man haka 27 tarik toh i wym sakhiat wei ya u Balen leh ka seiñ ym tipmit ko neibhah toh uwa lai psiah wa kiwa boon ki seiñ.
Kamtæ ynne ka sngi neiliang u Balen Thubru da mih u wow pynche ha chirup kiwi de ki tre Truck deiwa ong, nadooh wa thung President ya u Biangshwa Shylla ha u snem 2023, oo leh dadep Register u ya ki kari yong oo hapoh ka seiñ JHTOA wei su beit u leh ka bai Slip cha ka seiñ kut wa lai Load ki Truck yong oo, kammon won utai u President ong u wym tipmit ya oo hapoh ka seiñ JHTOA.
Hajrong i pynbaad wa toh uwa lai psiah næ kyrchaan kylleiñ ki seiñ, u Balen ong u ini ymtoh kamwa mut wa thmu yong oo, neibhah wa oo kam uwa em i kitkhlieh yei yap i im ki paidbah tre Truck wa kiwa yah trok heiyatoh i bai kit bai bah, oo mih u wow e i kyrchaan pura hei yakhih wa yahkhmat daka MCTODA yow dawa pynku bai kit na ki Company Cement.
Tangwa u Biangshwa won ha katai ka por mih u wow pyrchah kylla yei dawa bai kit kiwa yah Truck wa tre Truck, deiwa pynsñiaw u toh i dooh nong wa khroo yong oo.
U Balen ong u ini i pynsñiaw yong u Biangshwa pynyoo wa toh u Agent pura ki Company Cement, lym kamtæ weileh mih u wow pyrchah kylla yei dawa kiwa yah Truck wa ki tre Truck.
Da pynkynmoo haroh u yei randien yong oo kam u chairman ka JAC katwa dang lai i yakhih neibynta u dawa bai kit bai bah na ki Company Cement.
Ini leh pynyoo wa kam u President wa toh uwa pait yei bha i miat wei eh i khoo ki tre Truck, hanla ha chiteiñ ieh syndet u yaki paidbah tang wow biang u ya oo hi khlem pyrkhat ya ki paidbah. Wa hei sakhiat oo leh toh u mih u chakhmat wow dawa lang.
Da ong ki wa hanla hadien wa da yoh u yei pynku dor bai kit na ki Company neiwa yakhih yakhun hei yahkhmat ka MCTODA, kam pathan u wa toh oo wa leh.
Ya waroh iwa da klam ye phi wow pait ha ini i Link wa wah:
Discussion about this post