Shillong: Deiwa pyrkhat yei long i man hapoh ka jylla kamjooh haka ri waroh kawi heiyatoh waka khlam COVID-19 wei wow bood yaki laad wow yada na kani ka khlam hapoh East Khasi Hills District waka Meghalaya yow bood thij yaki kyndon wa da pynmih daka chnat Health and Family Welfare Department. Ka District Magistrate, East Khasi Hills District da pynmih hukum ko ynne ka sngi hapoh Section 144 CrPC deilang waka Regulation 3 ka Meghalaya Epidemic Diseases, COVID-19 Regulations, 2020, da pynkrehkaam daka Night Curfew ha East Khasi Hills District nadooh ka 30th June, 2020 nadooh ka 6th July, 2020 nadooh 9:00 waje i miet hadooh 5:00 i step man-ka-sngi.
Ka District Magistrate da ong ko leh wa kani ka hukum ym krehkaam ko yaki chipai, kiwa em haka sumaar sukher kiwa leh yaki kaam sorkar, ki Wholesale wa Retail Pharmacy, ki pulit, ka Fire and Emergency Service, MeECL, NEEPCO wa Power Grid, Food and Civil Supplies Department, FCI, PWD, PHE, Shillong Municipal Board, Postal Service, Telecom, Communications & IT Services, Press, Print & Electronic Media, Petrol Pumps wa kynthup yaka Indian Oil Corporation, ki kaam wa ym hoi u dam kam ki Hospital, Clinics, Dispensary, Veterinary Clinic, Labs wa kiwa leh Online/Home Food Delivery. Tangwa ya kiwa leh Home Delivery ya i baam u chah u leh ki hadooh 10 waje i miet.
Kani ka hukum ym krehkaam ko leh yaki thaw chna kari kiwa da yoh bor namo ki Authorized Workshop kamjooh ki Spare Parts Dealerships ka chnat Health & Family Welfare Department kamjooh ya ki wakreh sorkar kiwa leh yei kaam wa da phah yaki.
Kini waroh ki kaam u hap ki wow bood thij yaki kydon wa da booh ka sorkar kam i wow leh yaka Social Distancing, i pynduna yaki bru wakreh wa kiwi kiwi de khlem pep.
Chah hi leh yei lai i wan ki kari wa kit yaki mar wa emkaam, kiwa kit yaki chipai, ki tiar ki tar wa yatoh wa i chait i khiah, ki thaw chna truck wa em haki sarokbah leh man ki kiwa lait na kani ka hukum. Tangwa kiwa yah kari kamjooh kiwa yarap yaki daw hap ki wow leh yaka Medical Screening katkam ki kyndon wa da booh.
Yaki Curfew Pass neibynta 9:00 PM hadooh 5:00 AM nadooh ka 30th June, 2020 hadooh 6th July, 2020 ye u yoh lyngba ka Online Application ha www.eastkhasihills.gov.in.
