Ka sorkar pyrdi da rai ko wow pynneh chooh ya ki 5 Company ki pulit Central Armed Police Forces (CAPF) ha Meghalaya hadooh 31 tarik uni u bnai wow pynneh yei chongsuk.
Ka Ministry of Home Affairs (MHA) ha ka 25 tarik da ong ko wa ki 4 Company ki CRPF wa chi Company ki RAF u neh ki hadooh ka 31 tarik uni u bnai.
Ini wan i hadien i kyrpaad na ka Home (Police) Department ka jylla ha ka 24 tarik yow phah da ki CAPF hadien wa mih i kynaad ha Shillong.
I wan ki 5 Company ki CAPF toh hadien iwa jia ha ka 19 tarik nei awri wa mih heipor wa lai Rally ka Khasi Students’ Union (KSU) heiwa da chah thang 2 tylli ki kari, chah kawang moo 31 tylli ki kari wei chah dat ki 18 ngut ki bru.
Kam wow pynkynmoo wa myntu i janmiet ka KSU daw yachem ko wa ka sorkar yow yaklam heiyatoh wa ki 5 tylli ki mat dawa heiwa da maham ko wow pynjoor yei yakhih lada ym mihsoh mihsla i yaklam.
Discussion about this post