Hadien wa ka United States Congress da tyrwa ko wow chna ya ka aiñ (Bill) wow booh ya ka dan wa 500 % ya ki ri wa pteiñ u thied phñiang na Russian, neiliang ka sorkar India da ong ko wow pteiñ ko wow leh ya ki kaam wow myntoi ki 1.4 Billion ngut ki paidbah ka ri hanlada mih i pyntieñ wa har rukom.
U Spokesperson ka Ministry of External Affairs (MEA), u Randhir Jaiswal, da ong u wa ka New Delhi tip hi ko chaphang kani ka Bill wei dang pait ko yi de wow jia.
U Randhir da ong u wa i rai ka sorkar toh katkam i emkaam ka ri wei i myntoi ki paidbah yong ka.
Ini wan i hadien wa u Senator ka USA, u Lindsey Graham da ong u wa u President ka USA, u Donald Trump da e bor u ya kani ka Russia Sanctions Bill ka wow ktah chiboon ya ka India, China wa Brazil wei wow pynbor ya ki wow dam u thied phñiang na Russia.
Discussion about this post