U Montri ka chnat Bordiñ (Power) ka jylla, u Abu Taher Mondal da ong wa i tynyap bordiñ namo ka Load-shedding dang pteiñ i katni, hanla ka sorkar pyrchang ko katwa ye wow thooh laad wow pynduna noh ya ki kynta tynyap bordiñ.
U Mondal da ong u wa ka sorkar da pyrchang ko deiwa biang tam wow leh wow pynduna yei pyndooh bordiñ tangwa kamwa man katni i tynyap bordiñ u man i dei jooh i por, wei u pteiñ i hadooh wa rap dap ka um.
Hawa kylli neiyi i daw wym thied bordiñ na kiwi ki jylla kamwa da leh ha ki snem wa dadep, da ong u wa ka sorkar ymye ko u leh kamtæ neibhah wa sy’at ware i dor.
Chooh chooh da kyntait u wa toh nei duna poisa, tangaw da ong u wa lada emkaam u thied hap wow thied katkam i por wei lada palat ya itæ daw booh ko hei eh nei duna poisa ka chnat.
U Mondal da ong u wa ha kani ka kynti u slap duna bha u wei ymtoh kam ha ki snem wa dadep wa ka jylla yoh slap ko nadooh u Thohlakhmi wa u Wisu.