Ka All Khasi Meghalaya Tourist & Taxi Association (AKMTTA) deilang ka All Shillong Tourist Taxi Association (ASTTA) da pynkhreh ki wow nang pteiñ u ksoh ya ki kari Assam ha Byrnihat wei ym em laad ya ki u psiah chapoh ka jylla Meghalaya.
Yeini da pynsñiaw da u Ricaldinus Dohling, President ka AKMTTA wa u Antholius B Marak, President ka ASTTA ynne i miet.
Hawa klam neiliang kini ki ar ngut kiwa yahkhmat kini ki seiñ kiwa kamai kari na Meghalaya, da ong wa neiliang kiwa na Assam da klam che ki wym chah ya ki kari Meghalaya wow kamai lane psiah cha Assam wei na ini i daw kiwa na Meghalaya leh u nang pteiñ ki wow ksoh kari Assam mynstep ka sngi.
Da pynsñiaw ki leh yei sñiaw diaw wow yoo wa neiliang ka sorkar jylla da lai ko wow yaklam wa ka jylla Assam wei da ap ko leh yei eh wa i dawa yong kiwa na Assam wei da kular leh wa ka sorkar daw leh ko iyi iyi, tangwa iwa sñiawsih wa manda u Symbood Montri Rangbah ka jylla hawa liwan u wei da lai u lyngba yong ki ym em sangeh næ yachem u wa kiwa yakhmat kini ki seiñ kiwa na Meghalaya yow ap yei eh wa maad wa ki.
Ka Association yieñ skem ko wow yada yei hok yong waroh kiwa yah kari kamai ka jylla wei da khut ka wer ko leh ya kiwa yah kari ka Meghalaya wow wan ksohktilang mynstep ka sngi yow pteiñ yei pynliwan ya ki kari Assam wei ym e laad ya ki u psiah ki chapoh ka jylla Meghalaya.
Discussion about this post