March 1, 2020

U pteiñ ki Curfew ha Shillong wa Sohra

Advertisement ad1

Shillong: Ka District Magistrate, East Khasi Hills District hapoh ka Section 144 CrPC da pynbna ko wa da pynkrehkaam biang yaka Curfew ha Shillong wa ha ki thaw wa em chajan nadooh 9:00 P.M. ka 1^st March, 2020 hadooh 6:00 A.M. ka 2^nd March 2020 wei ki thaw wa haap hapoh ka Curfew toh waroh ka Municipal Area, waroh ka Cantonment Area, waroh ki thaw wa haap hapoh Mawlai wa Mawpat Block (Including their Census Towns), ki thaw wa haap hapoh ka Mylliem Block nadooh na yingkieñ Umshyrpi hadooh 7 Mile Upper Shillong, Madanrting, Mawblei, Laitkor, Nongkseh, Umlyngka, Lawsohtun, Mawdiangdiang, Diengiong wa Siejiong.

Ka District Magistrate da pyntip ko wa ka Curfew wa da pynkrehkaam ha ki thaw wa haap hapoh ka Lumdiengjri wa Sadar Police Station wa karoh ki Cantonment Beat House kawa da sdang nadooh 8:00 A.M. ka 1^st March, 2020 daw pteiñ ko hadooh 6:00 A.M. ka 2^nd March, 2020.

U Sub Divisional Magistrate Sohra Civil Sub Division hapoh ka Section 144 CrPC, da pynkrehkaam Curfew u ha waroh kawi ka Sohra Civil Sub Division wa ki thaw wa em cha jan wa haap hapoh ka Sohra Police Station nadooh 1:00 P.M. ka 1^st March, 2020 hadooh 8:00 A.M. ka 2^nd March, 2020 wei daw pynkrehkaam biang yaka nadooh 6:00 P.M. ka 2^nd March, 2020 hadooh wa pynbna won da iwi.

U Sub Divisional Magistrate Sohra Civil Sub Division, Sohra, da pyntip won u wa heiyatoh waka Curfew wa khlem booh por (Indefinite Curfew) da pynkrehkaam yaka ha waroh ki thaaiñ khappood wa em hapoh ka Shella Police Station, Tyllap Police Outpost wa Bholaganj Police Check Post nadooh 1:00 P.M. ka 1^st March, 2020 hadooh wa pynbna da kamwi.