Jowai: U President ka BJP West Jaiñtia Hills District u Marki Mulieh ynne ka sngi hawa yachem u wa kiwa pathai khubor da ong u wa hadien wa kut ka yalang ka seiñ wa pynman ynne ka sngi da pyntip u wa ka BJP da chim ko ya ki rai kamjooh ki thong wow kreh ko neibynta ka Election MLA 2018.
Da ong u ka wi na ki thong toh u wanrah da ka sorkar thymme hapoh ka jylla wei hapoh i synchaar ka Congress da boon palat ki kaam baamtooh hadoh wa da wanrah ko ya i doohnong wa khroo ya ki paidbah wa ya ka District.
Hei yatoh wa ini ka BJP daw pynman ko ya kiwa boon ki yalang paidbah, ki Bike Rally yow pynsñiawthooh yei ktah i baamtooh.
Sa ka wi ka thong toh wow pynbiang yeiwa duna ka Polytechnic Jowai kamjooh ya ka Kiang Nangbah Government College, Jowai khamtam heipor Admission, u pynheh ya ka College wa kiwi kiwi kiwa emkaam kini ki thaw puræ heiwa da ki snem da lai ym em yoh yarap ki iyi iyi leh kamjooh leh wei wow sdang noh ka B.Ed College ha Jowai.
Da ong u leh wa ha khmat dooh toh da booh ka thong wow pyndep noh ya ka Iawmusiang Market Complex kawa da sahkut da ki boon snem.
Da ong u leh ini waroh toh neidaw wa ym em biang i pynemkaam ya ka poisa heiwa kam u MDC jooh kylli u ha ki Dorbar wa hadooh katwon dang sah wow chna tangwa ym jooh yoh ya i jubab wa biang heiwa chibet da ong da iwi chibet da iwi wei kamjooh leh ya ki Utilization Certificate leh ympu ye u pynbiang hadooh katni.
Neibynta ki khynroo khyllood won da ong u wa daw pynbha pynmiat leh ya ka ITI wa kiwi ki thaw esikai kiwa pynyoh kaam wei ka ITI wa em ha Khliehtyrchi man ko kawa sahdien bha hadooh ki tiar ki tar wa pynemkaam kiwa lai puræ man ki kiwa da rim wei ye ki leh u wanrah yei mynsoo ya kiwa pynemkaam ya ki, kamjooh leh da ong u wa daw sdang ya kiwi ki laiñ puræ hajrong kiwa da em chwa katni.
Hei yatoh wa ini waroh da pyntip u leh waka BJP daw pynmih ko ya ka Vision Document.
Discussion about this post