Jowai: Ka Seiñ yong ki wayah kari kamai Tourist kawa tip kam ka Jowai-Ladrymbai Tourist Taxi Association (JLTTA), West Jaiñtia Hills District da pyntip ko wa nadooh ka 1 tarik uni u bnai daw e ko ya ki Identity Card (ID) cha waroh ki wakamai (Driver) kiwa hapoh ka lama ka seiñ.
Neiliang u General Secretary yong ka Association u ma Mihsalan Dhar ha ka khubor wa da e u, da ong u waka seiñ da kyntu ko ya kiwa chong kari (Passenger) u pait bha ya kini ki ID wei i thmu toh yow yada ya ki, wa lada chem ki ya ki driver wa muaid kyiad næ kiwa dih iwon iwon i dih pynmuaid næ kiwa klam khlem akor ya ki passenger, ki passenger ye ki u chim ya ki number ID yong u driver kamjooh wa ya ka number kari tæ pyntip cha ka JLTTA næ cha ki pulit.
Deiwa em kini ki ID Card ka seiñ yooluti ko wa neini cha khmat daw duna i chem chitom ki paidbah heipor lai por wan ki da ki kari kamai.
Kamjooh leh ka JLTTA kyntu joor ko ya ki driver wa toh u burom ki ya ki passenger wei lada dang chem neini cha khmat daw leh næ klam khlem akor ya ki passenger ka seiñ daw pynchitom ko ya ki katkam ka kyndon ka aiñ.
Discussion about this post