15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

U pynjoor ka HYC yei yakhih neibynta ka ILP wa MRSSA ha uni u snem

Advertisement ad1
Advertisement ad1
Advertisement ad1

Ka HYC da pynman ko ya ka Central Executive Council ha ka 6 tarik uni u bnai heiwa da rai wa u snem 2021 wow man u snem wow pynjoor yei yakhih khlem randien wow pynbor ya ka sorkar India wa ka sorkar Meghalaya wow pynkrehkaam ya ka ILP,  weiwa u lat u soi noh u ya ka MRSS Amendment Bill 2020 wei wym elaad wow pynkrehkaam ya ka CAA ha ka jylla.

Ka HYC daw kreh ko wa ki seiñ kiwa em ha ka CoMSO wow pyntikna wa ka jylla u yoh noh ko ya ka ILP wa ya ka MRSSA.

Ka HYC da rai ko leh wow yakhih deiwa eh yow pynbor ya ki bor sorkar wow pynbait noh ya u pood u ang ka jylla Meghalaya ha uni u snem. Toh u pyndep noh yei kyrriah ya kiwa na Them Mator wei kamjooh leh u pynpsiah ya ka ktien Khasi ha ka Eight Schedule.

Da rai leh wow paitsiar yei pynkylla ya ka Sixth Schedule lyngba ka 125 Amendment Bill ya ka riti synchaar ka ri India heiwa ymtoh u ktah ko ya ka jaitbru Ynñiaw Wasa.

Ka HYC da  kyntu ko leh ya ki Unit, Circle wa ki District waroh wow pynlai yumut ya kini ki mat neibynta ka jaitbru wa ka jylla.

Share this:
Previous

24 ngut kiwa dang yoh, 5 ngut kiwa chait wa sa 2 ngut kiwa yap na u COVID-19 ha Meghalaya

Next

Wan pait u khlieh ka IAF ya ki Air Force Station ka thaaiñ mihsngi