U pynjoor yakhih ki nong Mawlai lada ym pyndam kreh ka sorkar ya ki pulit wa siat ya u Cherish

Ki paidbah ka chnong Mawlai hapoh yong ‘Ka Sur ki nong Mawlai’ ynne i janmiet ka 25 tarik da mih ki da ki spah ngut ha ka yalang wow pynyoo yei pyrchah yei mutlop ka sorkar hajrong i dawa wow pyndam kreh chipor ya ki heh pulit wa emkti hei wow siat yap ya uwa yahkhmat warim ka Hynniewtrep National Liberation Council (HNLC), u Cherishsterfield Thangkhiew ha i step yong ka 13 tarik uni u bnai.

Kam i dak pyrchah yei wym bna ka sorkar hadien wa da kut i e por wa chi tayaw, neiliang ki nong Mawlai ynne i janmiet da thang ki ya 6 tylli ki dur bula wa kynthup ya ka yong u Montri Rangbah, u Conrad K Sangma, u Symbood Montri Rangbah, u Prestone Tynsong, u Montri Kaam Pohyung u Lahkmen Rymbui, u DGP ka jylla, u R Chandranathan, u SP ka East Jaintia Hills, u Jagpal Singh Dhanoa wa i yong u SP Traffic ka East Khasi Hills u Shailendra Bamaniya.

Ka yalang paidbah kawa da pynman ynne ka sngi da chim leh ya ka rai wow pynjoor ya ka yakhih lada ka sorkar ym ap ko ya i sur ki nong Mawlai, wei ya ka yakhih daw pynbna chooh chooh ha kani ka 27 tarik, wei ha katai ka sngi daw pynman leh yei soi pyrtuid paidbah wa i thang mombati neibynta wow dawa yei bichaar hok ya ka yung ka sem u Thangkhiew.

Ha kani ka sngi da yoh leh ya i klam na kiwa yahkhmat waphær waphær kiwa em ha Mawlai wa kynthup na ki seiñbhalang. U Samuel Biam, President ka Seng Samla Mawlai Pyllun (SSMP), da ong u wa i dawa yong ki nong Mawlai kiwa dang sah, kitæ toh wow pyndam kreh ya ki heh pulit wa emkti ha i jia ha ka 13 tarik, wei heijooh i por wow pynsmat noh ya ka takit da uwa Bichaar (Judge) yow pynyoh ya i bichaar hok cha ka yung ka sem u Cherish.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u President ka HYC, u Donbok Lang Kharlyndoh da pynbaad u deiwa ong wa u Lahkmen Rymbui lada kam u wa toh u War u wym toh uwa tieñslah, toh u e deiwa soi wow pyndam kreh ya ki heh pulit wa pynyap bru wei lada ym ye, ki nong Mawlai da pynbiang ki da ka Skirt.

Da ong u wa ini i kaam ym toh i por wow leh Politics, wei lada waroh kiwa mihkhmat yong ki seiñ saiñpyrthai ki yatylli ki, ki pulit wa pynyap bru toh u chah pyndam kreh noh ki pyn myntu i miet.