theme-sticky-logo-alt
theme-logo-alt
Advertisement ad1
Advertisement ad1

Cha Bengaluru u lai chah sikai kiwa mihkhmat ya ka Meghalaya ha ka Cricket U-19

Advertisement ad1
Advertisement ad1

30 ngut ki kynthai na kylleiñ ka Meghalaya da wan ki ha Shillong yow chimbynta ha ka bynta wa nyngkong namo ka First Phase ka Trial Camp yow jied ya kiwa yalehke ka Meghalaya U-19 Girls Cricket Team.

Kiwa chah jied daw chah sikai ki ha ka Camp kawa daw pynman ha Shillong kawa tbian chwa wow lai ki cha Bengaluru ha 01-09-21. Ka Meghalaya Cricket Association da ya krehlang ko wa kawi ka chlem e sikai namo ka Academy wa em ha Bengaluru heiwa ki kynthai ka jylla daw ye ki wow lai yow yoh yei sikai heiwa daw pynbiang ya ki da ki tiar ki tar kiwa bha tam.

Kiwa yalehke da hap ki wow leh ya ka COVID-19 Test ha Shillong chwa wow yoh ki u chimbynta ha ka e sikai wa leh da u Assistant Coach Leonard Wankhar, Physio ka Sushma Thapa waka Trainer ka Darishesha Mawroh. Ka Head Coach ka Preeti Mehra, daw yachem ko wa kini kiwa chah jied ha Bengaluru.

Ka U-19 Girls One Day Tournament daw man ko kawa nyngkong dooh yong ka BCCI neibynta ka samoi 2021-22 kawa daw sdang ha u bnai wa daw wan. Ynnin u snem neidaw ka khlam, ya ka Tournament da pynman du neibynta ki Senior Team tangwa ha uni u snem ka BCCI da pynkreh ko ya kawa pura ka samoi.

U-19 Girls: Ankita Sharma, Banrisha Wahlang, Suruti Kumari Ray, Neelam Roy, Mansi Anand, Fenny Nongrum, Abizer K Syiem, Sistilin Ryntathiang, Emisakani Warjri, Icyful Mary Lyngkhoi, Dubleen Nengnong, Monycable Marbaniang, Risukdashisha Giri Marwein, Marme M Sangma, Janika R Marak, Ankita Lama, Jaylin Mary R Marak, Dianchi Dora N Sangma, Kim D Shira, Indariakor Kharwanniang, Monica L Phawa, Dawanshisha Warlarpih, Sanchisateoshna M Sangma, Awesha G Momin, Greamchi Ch Sangma, Keirida G Momin, Ritreki Pohshna, Cheanchi Kambesa, Antonia Nongtraw, Inteiri Shabong.

Share this:
Previous

U yoh tulop noh kiwa sikai ka Nongtalang College lyngba ka People’s College Scheme

Next

U pynjoor yakhih ki nong Mawlai lada ym pyndam kreh ka sorkar ya ki pulit wa siat ya u Cherish