U pynkhle biang ka Seiñ Kur Dkhar East Jaiñtia Hills ya ka 2nd Prize ka Lucky Draw

Ka Organizing Committee yong ka Seiñ Kur Dkhar East Jaiñtia Hills District da rai ko wow pynkhle biang ya ka 2^nd Prize yong ka Bumper Lucky Draw wei yeini daw leh ha ka 5 tarik uni u bnai ha VO Office yong ka chnong Mookhep, East Jaiñtia Hills heipor 11:00 waje i step.

Ya kani ka Lucky Draw dadep wow pynkhle ha ka miet ka 28 tarik u November, 2025 ha chnong Mookhep heiwa i pynkhle ya kiwi ki Prize da lai bait ki tangwa ya katai ka 2^nd Prize won da em i thut kajiak hei rukom pynkhle heiwa ki paidbah wa thied Ticket ym em hun ki, iwa man i daw wa daw pynkhle biang sa chisien.

Da pyntip leh wa hanla ya kani ka 2^nd Prize da em wa wan kam tangwa da hap wow ap yei sur, i dawa wei e yumut ki paidbah wei ha katai ka sngi daw khutlang wa kiwa thoh khubor wa kattu katni ngut ki bru wa bna naam ka imlang ka sahlang yow sakhilang ki.

Ka seiñ kur da pynche ko leh wa ymem iwon iwon i thmu wow leh thok heiwa da leh deiwa khooid wa suba deiwa em leh kiwa riñ Video tangwa hei manbru da em bait i duna heini heitai iwa da pynchrai pynmong ya ki bru.

Related posts

Ya ki 24 ngut ki khynnah da lai yah da ka Lei Synshar Cultural Society, pyntip ka Agatha | Da em leh ar ngut kiwa yap

December 2, 2025

Pra phrai i khlieh ka kynthai wa suba chah yooh ha ka Truck ha Ri-Bhoi

December 2, 2025

Da pynsñiaw leh yei sñiawngooh ya kiwa kyrchaan kiwa thied ya ki Ticket wei yei yachah kattæ.

Da khut leh ya ki paidbah wow wan sakhi biang ki yeini pynkhle ya kani ka 2^nd Prize.

I pyntip na u Teras Dkhar, President wa u Besterwell Dkhar, General Secretary ka Seiñ Kur Dkhar East Jaintia Hills District.