U pynkup burom ka Seiñ Kur Dkhar Wapung Circle ya ki khon ka kur wa lehbha ha ki Exam

Ka Seiñ Kur Dkhar-Wapung Circle da pyntip ko wa daw pynkup burom ko ya ki khon khynroo khyllood ka kur Dkhar kiwa da lehbha ha i puræ puthi wa ki Exam yong ki ha uni u snem.

U President ka Seiñ Kur Dkhar, u Shaniahskhem Dkhar da pyntip u wa ini i pynkup burom toh neibynta ki khon khynroo wa ki khynnah ka Seiñ Kur Dkhar kiwa haap hapoh ka Wapung Circle kiwa kynthup ya ka Jalyiah, Khlieh Myntriang, Wapung Skur, Wapung Chnong, Pamra Paithlu, Pamrkmai, Mookhep, Iongkaluh, Sohkymphor wa ka Lum Mulieh

Kiwa daw chah pynkup burom toh kitu kiwa da yoh 75% chaneiñ ha ka SSLC wa HSSLC, Graduate 60% chaneiñ, Master 60% Professional Course wa kynthup yaki MBBS, Lawyer, Engineering wa kiwi kiwi.

Ka Seiñ Kur Dkhar, Wapung Circle da kyntu ko wow pynpoi ya ki Marksheet, ka Certificate wa ka Residential Certificate nadooh ynne wei ka sngi wa khaddooh wow pdiang ya ki toh ha ka 20-12-24.