Jowai: U kyrtong MP ka BJP u Sanbor Shullai da ong u wa katwa dang im u, ym yohlaad wow pynman aiñ ya ka Citizenship Amendment Bill wei daw pynkut u yei mynsien hakhmat u Modi lada pynkrehkaam ya kani ka Bill.
Da ong u leh wa pyrchah u ya ka Election Manifesto ka BJP kawa ong wow pynkrehkaam ya ka CAB lada wan hei bor wei oo da dep thoh u cha u Modi wow pynlait ya ka thaaiñ mihsngi na kani ka Bill wei ym phær lada pynkrehkaam ya ka cha kiwi ki bynta ka ri.
Ya ini da ong u hawa yaklam wa ki laad pathai khubor ha Sankerdev College Shillong Polling Station, Shillong.
Chooh chooh da ong u wa ym em wow ye u khang ya ka BJP wow chna sorkar ko ha Delhi wei lada jied ya oo kam u MP daw yoh ya ka muhor u President ka ri yow pynlait ya u mooyong na ki aiñ ka ri yow yoh biang u khih mooyong.
Discussion about this post