U pynkylla ka sorkar ya ka State Anthem deiwa thap lang wa i ktien Pnar

Ka sorkar jylla ha ka yalang ki Montri sorkar namo ka Cabinet Meeting wa da pynman ynne ka sngi da chim yei rai wow pynkylla noh ya ka State Anthem deiwa thap lang ki kattu katni ki kyntien Pnar wei ya kani ka rwai wa da chna thymme daw pynlait paidbah ha ka sngi wai ya ka Meghalaya Games wa daw pynman ha Wahiajer.

Kam wow pynkynmoo wa ka sorkar da mynjur ko ya kani ka State Anthem ha u January 2024 heiwa manda pynlait paidbah ki da rwai dei ktien Khasi, Garo wa English iwa da pynchrai ya kiwa boon wa em ha Jaiñtia Hills wei da mih leh boon kiwa pyrchah nadooh ki seiñ saiñhima, ki seiñbhalang, ki waheh chnong deilang kiwa mihkhmat paidbah.

Nadooh wa pynlait paidbah ya ka State Anthem ym em da pynemkaam ki ha kawon kawon ka yalang paidbah ka sorkar kamjooh ha ka sngi Independence Day wa Republic Day.

Related posts

Da sdang mihdur ka yingkieñ wa pynyabi ya ka West Jaiñtia waka East Khasi najrong ka Wah Umngot

October 29, 2026

Yoh jamin sa ar ngut ki dkhot ka KSU, sah sa uwi wa dang chah kset

October 29, 2026

Neiliang ka sorkar ha itu i por da pynmih ko ya ka hukum wym toh u pynemkaam yei State Anthem kat wym pu dep u pynkhreh ya ki kyndon wow pynemkaam ki.