U pynkylla sorkar pyrdi ya ka aiñ Waqf Act, pyrchah ki Muslim wa kwah u Modi wow chim yei thaw yong ki

Ka sorkar pyrdi daw wanrah ko ya ka Bill hapoh Parliament yow pynkylla ya ka aiñ Waqf Act, yow pyntlot yei bor wa ye u chim ya iwon iwon i thaw hei pyrtuid ka niam Muslim.

Kani ka Bill da thmu ko wow pyndam yei kyndon wa e bor ya ki Waqf Board kawa man ka yong ki Muslim kawa da yoh u kam thaw katwa ngait heiwa ha u Naikhynde 2022 ka Tamil Nadu Waqf Board da lai kam ko ya waroh kawi ka chnong Thiruchendurai kawa man ka chnong Hindu kiwa da sah da ki spah snem.

Ka sorkar pyrdi i thmu ko toh wow pyndooh noh yei bor ki Waqf Board wow leh ki khlem em wa ye u khang.

Ki kattu katni ki kyndon wa kwah ka sorkar pyrdi u pynkylla hapoh ka Waqf Board toh yow pyntikna wa emlang ki kynthai kam ki dkhot wei wow pait ya ki thaw wa da kam da ki Waqf Board deiwi yow lait u jia i ya kajia.

Related posts

Ym burom ka Pakistan ya ka Cease Fire deiwa pteiñ hi yei jooh

May 10, 2025

Da ka that chah ieh hapoh doh ka manbei wa wan kha khon ha MCH Jowai

May 10, 2025

Hapoh ki Waqf Board wa em hapoh ka ri, da em 8.7 lak tylli ki thaw hapoh yong ki kiwa dapoi hadooh 9.4 lak Acre.

Kani ka Waqf Act wa katni toh kawa da pynkrehkaam ha u snem 1995 wei da e bor wow tipmit yei thaw wa da e sñiawbha kam ka Waqf da u Wakif uwa man kam u bru wa da tipmit da ki aiñ Muslim kam u bru wa khooid wa hok.

Heipor ka sorkar UPA-2 wa yahkhmat da ka Congress, da e bor chooh chooh hapoh ka aiñ Waqf Act hadooh wym ye de u yoh biang yei thaw wa da yoh ka Waqf Board u kam.

Neiliang u President ka AIMIM, u Asaduddin Owaisi da ong u wa ini toh i thmu ka sorkar u Modi wow chim biang yei thaw na kti ki Muslim.

Ki Muslim da ong ki wa 60-70% ki thaw wa em hapoh ka Waqf toh kiwa pynemkaam yow chna Moqque, ki Dargahs wa ki thaw tlep-bru.