Ka Mairang daw pynman noh ya ka kam ka District chwa ka sngi lehkmen yei man laitlooid ka ri, da pynbna u Montri Rangbah ka ri u Conrad Sangma ynne ka sngi deiwa ong wa em yurim i dawa wow pynman District ya ka Mairang.
“Ka Mairang u man ko ka District wa thymme ka jylla, wei neidaw wa em ka khlam COVID-19 da rap suki wow leh ya ini, tangwa yow tip ki bru ka Mairang ya ini wei yow sñiawskem ki leh wa daw leh ya ini, chwa ka Independence Day daw man noh ka kam ka District wa da krehkaam,” da ong u Conrad.
Heiyatoh won waka Sohra, da ong u wa da em leh i dawa ya ini i jooh, tangwa neidaw i rukom man ki thaw wa em ka Sohra khamtam ki thaaiñ Pynursla wa cha wah, ym pu ye u poi ha i mynjur heiyatoh wa ka Map wei ya ini waroh dang yaklam, wei daw pait kammon wow lai chakhmat.
Da ong u leh wa nachwa da dep ong u heipor wa e u yei klam ha Mairang wa ka em ko cha tre ki kaam wanrah yei pynroi wei da leh ya ini hajrong ka thong wow pynku yei rukom im ki bru ha Mairang wa kiwi ki bynta ka West Khasi Hills kamtæ em yurim i dawa wow leh ya ini. Kamtæ da chim ya ka rai wow lai chakhmat.