Ka National Career Service Centre for SC/STs, Jowai kawa em hapoh ka Ministry of Labour & Employment ka sorkar India, da pynbna ko wa daw sdang ko ya ka e sikai (Training) wa chi snem kawa dei mynkna deiwa e lang leh ya ka Stipend neibynta kiwa man kam ki Scheduled Caste (SC) wa Scheduled Tribe (ST).
Kani ka Training u sdang ko nadooh ka 01-07-25 da i thmu wow yarap u pynkhreh ya ki Clerical-Grade Competitive Exams.
Ka Training man ko neibynta ki le tylli ki Course kitæ ka One-Year Special Coaching in Shorthand, ka One-Year ‘O’ Level Computer Training wa ka Computer Hardware Maintenance (CHM). Kiwa chah jied u yoh ya kani ka e sikai daw yoh ki leh ya ka Stipend kawa Rs. 1000 chi bnai deilang ki kot ki sla dei mynkna yow khreh ki.
Kiwa kwah u yoh ya kani ka Training toh u man ki kam ki SC næ ST, toh u Register ki wa ka Employment Exchange, toh u pyndep ki ya ka Class-XII, i rta ki toh u man 18-30 snem hadooh ka 01-07-25 wei i kamai ka yung ki hapoh Rs 3,00,000 chi snem.
Kitu kiwa kwah wow leh yeini ye ki wow yaleh Online deiwa lai ha www.ncs.gov.in wei deiwa lai leh ha Office ka Employment Exchange wa em ha Jowai hadooh ka 15-06-25. Kiwa yaleh hap ki u jied kawi donhi ha Course wei daw e katkam wa lait.
Kiwa wan yaleh hap ki wow Attest hi ya ki kot ki sla deiwa rah ya ki Educational Certificate, Caste wa Income Certificate, Aadhaar Card wa Employment Exchange Registration Card.
Ym e TA/DA ya kiwa yaleh ya ka Written Test næ heipor wa wan e ya ki kot ki sla.
Yow tip bniah ye phi wow lai cha ka Centre ha ki kynta wa man kreh.
Discussion about this post