Shillong: Ka North East Forum for Indigenous People (NEFIP) daw pynman ko ya ka yalang pyrkhat krehkaam wa nyngkong dooh ha ka 30 tarik ha nongbah Shillong.
Kam wow pynkynmoo ka NEFIP toh ka satri ki seiñbhalang yong ka thaaiñ mihsngi kawa da seiñ ha Imphal Manipur ha uni hi u bnai. Na Meghalaya ka Confederation of Meghalaya Social Organization (CoMSO) man ko kam ka dkhot yong ka.
Ha ka yalang kawa man ha Imphal, Manipur ka NEFIP da chim ko kattu katni ki rai kiwa kongsan kam wow pyrchah ya ka Citizenship Amendment Bill, wow pyrchah ya kiwon kiwon ki aiñ wow pynman tre ri ya kiwa na baar India, wow pyrchah ya ki rukom krehkaam ka sorkar pyrdi lada ktah ki ya ka rukom man kyrpang ki jaitbru ri-loom.
Ka NEFID daw kyrchaan ko leh ya ki seiñbhalang na ki jylla waphær kiwa dawa ya ki aiñ kam ka Inner Line Permit wa kiwi ki aiñ wow yada ya i yoh psiah wow sah ki baar jylla wei kani ka satri leh u kreh ko wow yada yei hok ki tre jylla yong ka thaaiñ waroh kawi.
Discussion about this post