15 49.0138 8.38624 1 0 4000 1 https://wyrta.com 300 0

Pynman ka KSU-Bangalore Unit ya ka Fresher’s Meet

0 Comments
Advertisement ad1

Jowai: Ka Khasi Students’ Union Bangalore Unit da pynman ko ya ka 2nd Meghalaya Fresher’s Meet cum Cultural Program ynne ka 28 tarik ha JSS Campus, Indian Institute of Nursing, Bangalore nadooh ka 12 waje pyrdi sngi. Ha ka yalang wa da pynlai da ka Sweety Syiemlieh da wan chimbynta chongchit da ki khynroo khyllood Khasi kiwa em ha kylleiñ ka jylla Karnataka.

U kongsan ha kani ka sngi toh u Donald V Thabah, General Secretary KSU CEC wei u symbood kongsan da man u Biangbor Lyngdoh Paliar, Organising Secretary KSU CEC.

Ha i bytna wa sdang da yoh ya i klam na ka Elizabeth Nongbri, ka manbei Khasi kawa kreh monsñiawbha ha Bangalore wei da yoh leh yei klam na u Pynkmenlang Sanmiet, President KSU NEHU Unit, u Rymphang Nongsiej, President KSU Bangalore Unit wa na u Emosjohn Nongsiej, General Secretary KSU Bangalore Unit.

Waroh kiwa klam da e mynsien ya kiwa lai puræ ha Bangalore yow man ki kiwa emakor emburom ha ka lai ka wan, u man kiwa minot haka puræ puthi yong ki khnang yow wanrah burom ya ka yung ka sem, ka jaitbru wei ya samen kamjooh.

Da kyntu kynpham ki leh ya waroh ki Khasi ha Bangalore wow man ki kiwa yatylli wei kiwa smat wow yarap uwi ya uwi ha kiwon kiwon ki por. Chooh chooh da klam ki leh yei man kyrpang ka jaitbru ha ka liang riti ka dustur wa ka ktien ka thylliej. Da sneiñ ki leh hajrong i emkaam wow pyndooh noh ya i sñiawyapher thaaiñ wei ka niam para Khasi wei wow sñiaw kam ka wi donhi lada man ki Khynriam, ki Pnar, ki Bhoi, ki War, ki Maram, ki Lyngngam wa ki Diko.

Ka KSU Bangalore Unit ka da pynkup burom ko ya ka Bamelari Lyngdoh kawa da yoh ya ka khusnam Gold Medalist ha ka Master of Social Work (Specialised in Medical & Psychiatric Social Work) na ka Alva College Moodbidri, Mangalore University. Ka KSU ka da e khublei ko leh ya u Iada Martin Marbaniang, uwa da pyndep ya ka Exam IPS na ka jylla Karnataka wei da man u u Khasi uwa nyngkong wow yoh ya katai ka kyrdan na Bangalore wei katni da man u kam u Superintendent of Police ha kani ka jylla.

Kiwa yahkhmat ka KSU CEC da pyntip ki leh wa booddien ki hajrong i dawa yong ka KSU Bangalore Unit wow chna ya ka Meghalaya House ha Bangalore na ka sorkar Meghalaya ha u Naisan 2018 heiwa u montri rangbah ka jylla Meghalaya da pynbna wa daw sdang chna ya ka ha u Naichiphaw 2018.

Ha i booddien ka seiñ da yoh yutip na u Coming One Ymbon wa da jied ya i thaw wow chna ya kani ka yung ha khap sor Bangalore wei dang sah sa du u yoh yei monjur na u montri rangbah ka jylla Karnataka. Ka Meghalaya House ha Bangalore daw yarap ko chiboon ya ki Khasi ha Bangalore lada kiwa ha yung yong ki emkaam ki wow wan yachem wa ki kamjooh wow yarap ya kitu ki paradoh parasnam kiwa thmu wow thooh thaw puræ næ kreh næ kiwon kiwon ki emkaam ki ha kani ka sorbah.

Advertisement ad1

0 Comments

Leave a Reply