U Montri wa thymme ha ka sorkar, uwa pait ya ka chnat Labour, u Sanbor Shullai da ong u wa ha ka sngi nyngkong daw lum u ya ki sahep ka chnat yow paan pynche hajrong i pynpoi ya i bhah kiwa mylla kiwa da chah ktah ha ka Lockdown, heiwa da ong u wa daw pyntikna wa kiwa toh hok, u yoh lut ki ya ka bhah wa da mang.
Kam wow pynkynmoo wa kawa yahkhmat yong ka Thma u Rangli-juki, ka Angela Rangad da yakhun pyrchah ko ya ka sorkar wow pynyoh yei hok yong kiwa mylla, heiwa da pynman leh yei yakhih wow dawa yei hok kiwa mylla deiwa chong ha ka khyrdop yong ka Secretariat.
Da ong u leh wa kam u Montri wa thymme ym pu yoh yutip iyi iyi leh hawa yatoh wa kani ka Scheme, tangwa daw thooh yutip na ki sahep wa naka chnat ya ini i hok yong kiwa mylla waroh.
U Sanbor da ong u wa daw thooh u yei daw wa i eh, wa ileh wym ye wow e lut ya ka poisa cha kiwa mylla wei wow pyntikna leh wa ym dooh ya i hok.
Puræ leh: Mynjur ka sorkar wow pait biang sa chisien yei rukom phah ya ka poisa yarap cha kiwa mylla
