U Montri wa thymme ha ka sorkar Meghalaya Democratic Alliance uwa ma leh u MLA ka BJP na South Shillong, u Sanbor Shullai da ong u wa hap wow thooh bniah ya i daw wymye wow pynbait ya u pood u ang deiwa ong wa ka sorkar emkaam ko wow krehlang wow yada ya ki paidbah wa chong chnong kamwa da leh da ka Mizoram.
U Sanbor da yaroh u ya i chlur ki paidbah ka Mizoram deiwa ong wa i yatylli wow yada pynya i de, heiwa ki pulit wa ki paidbah da krehlang ki chirup wow yada ya ki thaw, da yaroh u leh ya i klam u MP ka Mizoram ha Rajya Sabha, u K Venlavena uwa da ong wa lada ki pulit Assam kyntoor pood biang ki daw tynyap lut ya waroh deiwa ong wa kam ini i mynsien toh u em ha ki paidbah ka jylla lada ki pulit Assam pteiñ ki wow pynthut ya ki paidbah ha khappood.
Da ong u leh wa i por ymtoh de wow chong yalang hajrong miej wei wow dih ma dih cha tangwa wow leh noh yeiwa emkaam. Da pynrap u leh deiwa ong wa ymtoh u pynchlur yei pynkai snaam tangwa lada wan kiwa choon wow thombor hap wow yada i pyn da-i ya-i hanla man i iwa pyrchah aiñ.
Ha iwi won i liang da ong u wa i yaklam hapyrdi ki ar jylla leh man ko kawa emkaam wow pynbait noh yei chitom ki paidbah ha khappood wa ka Assam.
