U pynwiar namo u pynneh ka JHADC ya ka Elaka Maskut?

Jowai : Ka Elaka Maskut, West Jaiñtia Hills man ko ka Elaka kawa khian tam kawa em harood ka Pynthor Sung ha kylla ka Chnong Mookyndur.

Kani ka Elaka em ko 46 tylli ki Manyung wei katkam ka Census yong u snem 2011 hapoh Maskut em 263 ngut kiwa chong chnong (138 ki Chynrang wa 125 ki kynthai).

Hapoh kani ka Elaka katkam ka Aiñ Jaintia Hills Autonomous District (Establishment of Elaka and Village and Election, Appointment, Powers, Functions and Jurisdiction of Dolloi/Sirdar and Waheh Shnong) Act, 2015 em ki le kur kiwa ye u man Dolloi kitæ kynthup ki ya ka kur Rynjah, Tyngkra wa ka Mukhim.

Iwa phylla toh kani ka Elaka da jooh wiar ko neibhah katkam ka chithi na u Secretary ka United Khasi Jaiñtia Hills ha ka 24 Khonchonglad 1961 da ong u wa ymemkaam de u pynneh ya ka Elaka neibhah em du 17 tylli hieh ki yung hapoh kani ka Elaka wei kini ki yung toh ki trep wa pynemkaam ki wa rep heipor rep donhi wei boon na ki toh kiwa na Puriang wa haap hapoh ka Khyriem Syiemship.

Related posts

Hapyrdi i phooh i phieñ da pynkut ya ka Dorbar Niamtre ki khon ka Ri 12 Dolloi 30 Syiem ha Jowai

December 22, 2024

Pynman ka Dorbar Chnong Mukhla Nongrim yei jied waheh chnong

December 20, 2024

Da ong u leh wa waroh ki thaw kiwa kynthup ya ki Puja Land da slem da pynkylla ya ki cha ki Patta Land kiwa yoh ki bru na ki chnong Moodymmai, Puriang wa kiwi kiwi. Kamtæ neiliang yong u Secretary da ong u wa ya ka Maskut Dolloiship toh u phiah ya ka cha ki ar bynta kiwa em cha liang sepsngi yong ka Wah Sung u pynpsiah cha ka Jowai Dolloiship katwa kiwa em cha liang Mihsngi na ka wah Sung u pynpsiah noh cha ka Nartiang.

Da pynim biang ya ka Elaka Maskut ha ka 14 Thohlakhmi 1996 haka chithi na u Secretary ka JHADC heiwa da pynbna wa da pynkhai im biang ya kani ka Elaka.

Lada wyrchaw ya ka aiñ Jaiñtia Hills Autonomous District (Establishment of Elaka and Village and Election, Appointment, Powers, Functions and Jurisdiction of Dolloi/Sirdar and Waheh Shnong) Act, 2015 ka JHADC ye u leh ko hei yatoh weini u pynpsiah ko ya ka Maskut cha Elaka Jowai wa Elaka Nartiang  kam nachwa namo u pynkhlan ko ya ka kawa man leh pyrchah ya kani ka aiñ wa chna ko (Katkam ka kyndon Section 3(2), kawa ong ki chnong, neibhah hapoh ka Maskut em du kawi hi-eh ka chnong)?