Heiyatoh wa i chah pyndam u Rahul Gandhi kam u MP ka Lok Sabha ynnin ka sngi hadien wa da phah kset ka yung bichaar ya oo ar snem, u Conrad da ong u wa ini toh iwa sih bhah wei u Rahul toh u pdiang u yeiwa da rai ka yung bichaar kamjooh ki kyndon aiñ ka ECI.
Da e buit u ya u Rahul wow pdiang u yeiwa da rai ka yung bichaar heithaw wow pynkhor pathan ya u Prime Minister Narendra Modi deiwa pynrap wa hap pdiang u ya ki kyndon wa da booh da ka Election Commission of India.
U Conrad da ong u wa i klam yalap Election u Rahul ha u 2019, da klam beiñ u ya u PM deiwa ong wa waroh kiwa em yei kur Modi toh kiwa tooh suda wei ini toh iwa da klam beiñ ym du ya u Prime Minister ka ri tangwa wot ya ki OBC ka ri.
Chooh chooh da ong u wa u Rahul Gandhi toh u paan maap u ya ini wa klam u wei wow pynbait noh yei luti wa lai u heithaw wow pynkhor ya u PM ha ini i por wa katni.
Hawa kylli wa lada ini daw ktah ko ya ka Congress Party ha ki Election wa daw man ha u 2024, u Conrad da ong u wa ka Congress nadooh u 2014 wa u 2019 da chem chitom ki wei ini wa jia katni daw ktah chooh chooh ko ya ka Party ha ki Election 2024.
