U sahep chipai, ka kurim wa ka khon na ki 6 ngut wa dang wiar nei oor khyndaw ha Sikkim

Ha i miet ka sngi Bibar da em i oor khyndaw wa joor bha ha ka Army Camp wa em ha Lachen District ka North Sikkim heiwa da yap ki 3 ngut wa kynthup ya 2 ngut ki chipai wei dang wiar sa 6 ngut.

Na ki 6 ngut wa wiar kynthup ki ya u sahep Lieutenant Colonel, ka kurim wa ka khon u wei ini da jia i hajan ka Brigade Headquarters ha Chaten North Sikkim hadien wa hiar u slap wa joor.

Neiliang ka Indian Army da pyntip ko wa mar ya jia ini da yaleh wow thooh wei wow pynlait ya kiwa da chah ban ha i khyndaw wot hapyrdi wa joor u slap wei da ye u pynlait ya ki 4 ngut kiwa da takha malum malæ. 

Ki 3 ngut kiwa da yap kynthup ki ya ar ngut ki chipai u Lance Naik Munish Thakur, u Havaldar Lakhwinder Singh wa u bru paidbah wa tip kam u Abhishek Lakhada.

Related posts

Ar ngut ki Topper ka NEET(UG) 2026 kiwa yoh thij kat jooh ki Marks

July 17, 2026

Phah ka Consumer Court ya ka Maruti wow e da ka kari thymme ya uwa ujor wa sih ka kari neiwa pynemkaam yei phñiang E20

July 16, 2026

Ki 6 ngut kiwa wiar kynthup ki ya u Lt. Col. Pritpal Sandhu (GSO-I); ka kurim u, ka Squadron Leader Arati B Sandhu (Retd.) wa ka khon ki, ka Amaira; wa 3 ngut kiwi ki chipai wa kynthup ya u Subedar Dharamveer, u Sainudheen P.K. wa u Sunilal Muchahary kiwa man ki Sepoy.

Ini i oor khyndaw da jia i ha Chaten, ha i miet ka sngi Bibar ka 1 tarik heipor 7:00 waje wei i thooh ya kini ki 6 ngut dang pteiñ i.