Ynne i janmiet ki heh ka KSU da yachem ki wa ka sorkar jylla wa kynthup ya u Chief Minister, u Conrad Sangma hei emlang ki ar ngut ki Deputy Chief Minister heiyatoh wa ki san tylli ki mat dawa ka seiñ.
Hadien i yachem, u Conrad hawa klam wa kiwa pathai khubor da ong u wa ka mat wa nyngkong toh hajrong ka Public Hearing ka Shree Cement, wei ka Shree Cement toh kawa ar ha ka ri wa heh dooh i pynmih khyndaw bilat wei da kwah ko wow booh ya i karkhana ha jylla wei deiwa pyrkhat yei kamai wei i yoh i laa (Economic Growth) da pdiang yeini i tyrwa.
Da ong u wa ka seiñ da em i ujor ko wa ym em biang i pynman ya ka Public Hearing heiwa ym chah u chimbynta ya kiwa boon kiwa chah ktah kamjooh leh i chah ktah ka mariang.
Kamtæ hajrong ini da rai wow thung da ka Fact Finding Committee heiwa u khlieh ya ka da u sahep sorkar wa heh kyrdan kamjooh i embynta ki dkhot.
Chooh chooh da ong u wa kat wym pu dep yei takit daw pynneh ya ka Status Quo namo ym em iwon iwon i tei i chna wa i kreh neibynta ka karkhana.
Discussion about this post