15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

U sangeh noh ka NHRC wow phah da ki kot wei u pynchlur wow pynemkaam noh da ka email

Advertisement ad1

U Secretary General, National Human Rights Commission da thoh u cha u Chief Secretary ka jylla wa khnang wow pynjanai yei rukom krehkaam ka National Human Rights Commission wei wow pychlur yei krehkaam wa khlem ki kot ki sla namo (Paperless) ha ki kaam ka Commission wei wow sdang noh u kreh da ka Online.

Ka Complaint Management Information System (CMIS) da sdang pynkylla ko ya waroh ki kot (Document) cha ka Digital Form, ki kot ki sla wa yatoh wa ki mukotduma (Case Files) da booh ya ki ha ki Digital Form wei ya ki yutip cha ki heh sorkar kamjooh ki ujor da phah lyngba ka email: [email protected] wei da sangeh leh u phah ya ki kot ki sla da ka postal service.

Advertisement ad1

Da phah leh ya ki bor sorkar wow phah ya ki bui (report) deiwa pynemkaam ya ka HRC Net Portal www.hrcnet.nic.in heiwa u State HR Nodal Officer da yoh u ya ka Login wa Password.

U Secretary General da pyntip u leh wa ki email wa phah cha ka [email protected] u man ki kam ki kot wa sakhiat (Official) wei ki email wa yoh ka Commission u pdiang ya ki katkam ka Protection of Human Rights Act, 1993.

Da kyntu leh ya ki bor sorkar wow booh ya ki email ID ha ki website wei i thoh i taar toh u phah ya ki cha ki sahep sorkar manda yoh ya ki na ka Commission.

Share this:
Previous

Chah pynbna Micro Containment Zone ki yung wa em ha Iongpiah, Jowai

Next

Da chah wow wai biang ki yung mane Blai ha West Jaiñtia Hills