I thooh ya i phñiang (Crude Oil) ha Nagaland daw sdang biang i hadien wa u Chief Minister, u Neiphiu Rio da yachem u ya u Union Minister ka chnat Petroleum and Natural Gas, u Hardeep Singh Puri chwa wow soi ya ka soskular hapyrdi ka Nagaland, Assam wa ka sorkar pyrdi.
Ya u Rio da synraan da ki Deputy Chief Minister, u T.R. Zeliang wa u Yanthungo Patton, heiwa da yaklam wow sdang biang u thooh phñiang kamjooh wow sai wei pynmih ya i phñiang.
Ini i yachem wan i chwa wow soi ya ka soskular Memorandum of Understanding (MoU) wow pynmih phñiang wa la’ær chet (Natural Gas) ha Nagaland. Kani ka MoU man ko yow pynkut noh yei kajia pood hapyrdi ka Assam wa Nagaland yow wai biang yei thooh yei phñiang wa Crude Oil ha kini ka thaw wa em i ya kajia..
Da antaad wa ha Nagaland em kamwa 600 million tonne i phñiang wa ka la’ær chet tangwa da sangeh i thooh phñiang neidaw ki kaam ki seiñ kieñ suloi ha ki snem 1990.
Ki bru chemphang da antaad ki wa ka Nagaland dooh ko hadooh Rs. 1,825 klur man-u-snem na ka dan phñiang ha ki palat 30 tylli ki Oil Field wa em ha khappood wa ka Assam.
Discussion about this post