U Montri wa thymme ka chnat Sports & Youth Affairs, u Wailadmiki Shylla da pynbna u wa daw sdang noh u chna ya ka Gallery namo ki thaw chong ki paidbah ha Kiang Nangbah Stadium, Jowai.
Da ong u leh wa kini ki thaw chong u man ki ha waroh soodong ka madan yow pynsuk ya ki paidbah wa wan paitke wei i kreh u sdang noh ko ha u bnai wow wan.
Yeini da klam u ha ka sngi pynhaap pyrda ya ka 6-A-Side Football Tournament ka NPP Primary Unit, Mission Compound, Jowai heiwa da ong u wa hanla pynman da ka NPP tangwa man ko neibynta waroh wow pynyoo ki yei sap i tap ki.
Da pyntip u leh wa i thmu toh wow pynman ki yalehke waroh chi snem deilang kiwi ki yalehke kam ka Badminton, ka Basketball, Volleyball kamjooh leh kiwa ye ki kynthai u chimbynta.
Kamtæ da pyntip u wa daw thung leh da ka Sports Committee yow pait yeini waroh yow pteiñ i pynman ya kini ki Tournament waroh chi snem hapoh ka Jowai Constituency.
Discussion about this post