U sdang ka AMKTTA u khang yei wan ki kari kamai Tourist na baar wa lai cha ki thaw uiñke suwari

Ka All Khasi Meghalaya Tourist Taxi Association (AKMTTA) da chim ko yei rai wa nadooh ka 16 tarik uni u bnai ym chah de ya ki kari kamai kiwa na baar jylla wow lai booh bru ki cha ki thaw uiñke suwari kiwa em ha kylleiñ yong ka jylla Meghalaya.

Kani ka rai kiwa yah kari kamai Tourist da chim ka hadien wa da kut noh i e por ya ka sorkar hajrong ki mat dawa.

ADVERTISEMENT

Hawa pyntip yeini, u Ricaldinus Dohling, President ka AKMTTA da ong u wa ynne hadien wa da kut ka yalang, ka Association ha ryngkat wa kiwi won ki seiñ da chim ki ya kani ka rai wym chah de ya ki kari kamai kiwa na baar jylla wow lai booh bru cha ki thaw uiñke suwari lait na ki tre jylla wow lai booh ki lada wan ki da kiwon kiwon ki kari leh.

Related posts

Khana ka Hima Sutnga Youth Federation hakhmat ka Fact-Finding Committee yeiwa jia heipor wa pynman ya ka Public Hearing ka Shree Cement

October 16, 2026

Dadep yoh bor na ki dorbar chnong chwa wow sdang yei kreh ya ka Ropeway Project ha Shillong

October 16, 2026

Da ong u leh wa i wym mano ka sorkar wow ap yeiwa dawa ki da pynbor ya ki wow chim syndon da kani ka yakhih wa khlem booh por. Da ong u leh wa ym du ki kari kamai tangwa u pait leh ya ki kari Private deiwa pynrap wa em ki kari Private kiwa kamai.

Ha ka sngi wow sdang daw booh da ki Volunteer yow pait ya ki kari kamai Tourist kam ha Umshyrpi, Umtyngngar wa kiwi kiwi ki thaw wei lada chem ka Association daw pynuiñ noh ko ya ki kari næ hap ki kari wow yang hadooh wa kiwa lai uiñke liwan biang ki na ki thaw wa lai ki.