Nadooh ka 15 tarik u Naisaphra (Aug), 2025, ka sorkar pyrdi u sdang ko ya ka FASTag kawa chi snem namo ka Annual Pass kawa chongdor Rs 3,000 wow pynsuk ya ki kari samen ki wym toh ki kari kamai kawa man kyrpang ya ki kari khian, ki Jeep wa ki Van kiwa lai luti ha ki National Highway donhi.
Kani ka Pass u krehkaam ko chi snem nadooh wa sdang u pynemkaam namo wow Activate ka næ hadooh 200 sien i lai luti namo ka Trip iwa mut lada lai 200 Trip hapoh chi snem da kut noh kani ka Pass. Lada kheiñ da man ko du Rs. 15 kawi ka Toll Gate. Nachwa deiwa lai 200 sien dapoi ko hadooh Rs. 10,000.
Ya ini da pynbna da u Montri ka Road Transport and Highways, u Nitin Gadkari heiwa da ong u wa kani ka Pass daw pynsuk ko ya kiwa lai luti ha kylleiñ ki sarokbah ka ri.
Da pyntip u wa daw em ka Link wa kyrpang ha ka Rajmarg Yatra App wa ka Website ka NHAI wa MoRTH.
Ini man i leh chibynta i pynsuk ya ki paidbah khamtam ha ki sarokbah wa em Toll Plaza du hapoh 60 Km yow lait ki u su boonsien, u pynsuk i leh hei wow su du chisien donhi.
Da mang leh wow pynsmat yei por yang, i sahkut kari wei i yañia ha ki Toll Plaza.
Discussion about this post