Ka Amlarem Sub-Divisional Sports Association (ASSA) da pyntip ko wa daw sdang noh ko ya Super Division 2024-25 kawa daw sdang ha ka 2 tarik uni u bnai da ka yalehke hapyrdi ka Pamtbuh SC waka Lumpyngngad YC heipor 1:00 waje i sngi wei daw wan wai ya ka da u Hamlet Dohling.
Ha kani ka samoi kiwa em hapoh ka Super Division toh ka Seinbhalang Shkentalang FC, ka Amlarem Social Club, ka Umladkhur SC, ka Jarain C&SC, ka YC Pdengkaron, ka Pamtbuh SC, ka Dongmishngi Mupyut waka Lumpyngngad YC.
Ka West Jaiñtia District Sports Association (WJDSA) leh da pynbna ko wa ya ka Super Division 2024 wa tip kam ka ‘U Kiang Nangbah Memorial Trophy’ daw sdang ko ha ka 5 tarik uni u bnai da ar tylli ki yalehke.
Ka yalehke wa nyngkong u man ko hapyrdi ka Demthring SC waka Shangpung Lumiawmushai heipor 11:00 waje i step wei daw pynbood da ka Nangbah Mulang waka Wahiajer heipor 2:00 waje i sngi.
Ha ka Super Division uni u snem da em ka Demthring SC, ka Shangpung Lumiawmushai, ka Sailung Ialong, ka Nangbah Mulang, ka 7 Wasa United, ka Ladthadlaboh SC, ka Mukhla Raij waka Wahiajer.
Discussion about this post