U Montri Rangbah ka Assam, u Himanta Biswa Sarma ynnin da phah u ya waroh ki heh sorkar wow e du da ki baam Vegetarian wa ki jait baam Satvik ha waroh ki yalang wa pynman da ka sorkar tangwa ini ym em krehkaam i manda wan ki bru wa da chah khut sñiawbha kam ki State Guest.
Da ong u leh wa ki kyndon VIP Protocol u pyndooh noh ki wei ka sorkar u pynwiar noh ko leh ya ka VIP Culture deiwa pynduna wot hadooh ki kari wa synraan ya u Montri Rangbah kamjooh i kær namo i booh da ki Barricade cha luti syngkieñ.
Ki kari wa bood ymtoh u em ki palat 10 tylli hawa lai u Montri Rangbah, u DC kamjooh u SP.
Da ong u leh wa u pyndooh noh yei hap su bai bordiñ da ka sorkar heiwa oo deilang u Chief Secretary u sdang ki wow su noh da ki hi ka bai bordiñ nadooh uni u bnai wei kamjooh kiwa kreh sorkar hap ki wow su da ki hi ka bai bordiñ.
Discussion about this post