15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

U sdang wai noh yaka Sikkim yow wan kiwa uiñke suwari nadooh ka 10 Naichiphaw

Advertisement ad1
Advertisement ad1

Ka Sikkim u sdang noh ko wow wai yaka jylla cha kiwa uiñke suwari nadooh ka 10 tarik u Naichiphaw, 2020 deiwa da chah wow wai biang ki Hotel, ki Homestay wa kiwi ki kaam wa yatoh waka Tourism.

Ka sorkar Sikkim leh da rai ko wow wai ya u pood yong ka waka West Bengal dei wym khang namo booh kyndon yei lai i wan ki kari nadooh ka 1 Naichiphaw, 2020.

Advertisement ad1

Yaki Hotel da ye wow Book nadooh ka 27 tarik uni u bnai, heiwa ka 27 tarik leh da man ko ka sngi wa khaddooh wa da pynkrehkaam yaka Lockdown haka Gangtok Municipal Corporation Area wei da pyndam leh yaki kyndon Odd/Even Number i pynlai yaki kari kamai nadooh ka 1 Naichiphaw.

Ka Sikkim u pdiang ko leh ya kiwa wan na baar ri kiwa em yaki VISA wa biang wei daw e leh yaki yaka Inner Line Permit nadooh ka 10 tarik u Naichiphaw.

Kini waroh u krehkaam ki deiwa bood thij yaki kyndon SOP wa da booh.

Ki kaam wa yatoh waka uiñke suwari toh kawa yarap poisa bha yaka Sikkim deiwa em kiwa boon ki thaw wa ka-it ki bru wow lai kam ka Tsomgo Lake, Nathula Pass, Yuksom, Lachung, Lachen, Yumthang Valley, Ravangla, Pelling, Zuluk wa Namchi.

Ka Sikkim kattæ da em ko 2833 ngut kiwa da dep yoh COVID-19 heiwa kiwa chait da em ki 2097 ngut wei da em leh 31 ngut kiwa da dep yap, da man ko leh kawa duna dooh ka jylla wa yoh ya uni u khñiang hadien ka Mizoram kawa em kiwa duna dooh kiwa yoh.

Share this:
Previous

Da pynbna Micro Containment Area yaki yung ha Shillong wei da pyndam ya kiwi kiwa boon

Next

COVID-19: Da tam 49 lak kiwa da chait, 15.96% kiwa dang em ya uni u khñiang ha India