Jowai: U Most Rev. Victor Lyngdoh DD, kam uwa chare uwa ha khliehdooh yong ka Balang Katholik hapoh ka Diocese Jowai, hawa pyllait khubor u ynnin ka sngi ka 5 tarik ha Sanaro, Namdong Parish, West Jaintia Hills District, da pynbna wa ka snem 2020, toh ka snem lehkmen ha waroh chisnem ya waroh ki khon khynroo khyllood ka Balang hapoh ka Diocese Jowai.
Kam i dak sdang ya kani ka lehkmen ya u snem yong ki khynroo khyllood yong ka Balang hapoh ka Diocese, u Bishop Victor da khut da wer u ya waroh ki khon khynroo ka Balang wow lai ya chimbynta ha ka Convention ka Indian Catholic Youths Movement( ICYM) Diocese Jowai, ka wow pynman nadooh ka 9 hadooh ka 11 tarik uni u bnai, ha Parish Umkiang, East Jaiñtia Hills District.
Discussion about this post