Sikkim Krantikari Morcha (SKM) da khreh ko wow ksoh biang yei bor synchaar ha ka jylla Sikkim heiwa ynne da pynman ya ka niaw Vote ya ka Election MLA 2024.
Ka SKM da dep jop ko na 19 tylli ki Constituency wei dang tam ko ha 12 tylli kiwi katwa ka Sikkim Demcractic Front (SDF) kawa da synchaar ha Sikkim hadooh u snem 2019 da jop ko du kawi donhi na ki 32 tylli ki Constituency wa em ha kani ka jylla.
Ka SKM toh kawa da yoh u synchaar ha u snem 2019 deiwa jop na ki 19 tylli ki Constituency wei da chna sorkar ko waka BJP kawa jop na 8 tylli ki Constituency.
Lada lai bait kamwa man kattæ, ka SKM daw jop ko ha waroh ki Constituency lait noh ha kawi kawa da jop da ka SDF.
Kiwi ki Party kam ka BJP wa Congress ym em ye ki wow psiah khlieh ha kani ka kynti.
Discussion about this post