15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

U thied ka India 10 lak tylli ki Multi Mode Hand Grenade hei dor wa T. 409 klur

Advertisement ad1

Kam chibynta wow kyntu kynrong ya ka thong krehkaam ka sorkar pyrdi kawa ong ‘Make in India’ heiyatoh wa ki tiar yaleh thma (Defence Sector), neiliang ka Acquisition Wing yong ka Ministry of Defence (MoD) ynne da soi soskular ko wa ka M/s Economic Explosive Ltd (EEL), (Solar Group) Nagpur wow thied hadooh 10,00,000 tylli ki Multi Mode Hand Grenade neibynta ki chipai ka Indian Army.

Kini ki Grenade u chongdor i kamwa T. 409 Klur wei daw salan ki ya ki Grenade kiwa nadooh ki por ka thma bah wa ar (World War-II) wa pynemkaam ka Indian Army.

Advertisement ad1

Ki Multi-Mode Hand Grenade toh kiwa da pynwandur (Design) da ka DRDO/Terminal Ballistic Research Laboratories (TBRL) wei da chna (produce) ya ki da ka M/s EEL, Nagpur.

Kini ki Grenade rap phær ki neibhah ye wow pynemkaam ya ki ha ki ar bynta kam wow pynmynsoo (Offensive) wei wow yada (Defensive Mode).

Ini leh man i yei ye ki karkhana samen wa ki karkhana sorkar wa pait da ka sorkar pyrdi (DRDO & MoD) kam chibynta yong ka “AtmaNirbharta” namo wow pyndap yei emkaam ka ri da ki tiar wa pynmih hapoh ka ri.

Share this:
Previous

Da phah khang yaka CHC, Pynursla wei da pynbna Micro Containment Area ya kiwi ki yung

Next

Yoh COVID-19 u President ka USA waka kurim u