15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

U thoh ka sorkar Meghalaya cha ka MHA wow dam chwa u kyrriah kreh yaki chipai

Advertisement ad1
Advertisement ad1
Advertisement ad1

U symbood montri rangbah ka jylla u Prestone Tynsong da pyntip u wa ynne ka sngi, ka sorkar da chim ko yaka rai wow phah ya u Chief Secretary wow thoh cha u Secretary ka Ministry of Home Affairs (MHA) wow pyndam chwa yei kyrriah kreh yaki bru chipai kamjooh leh ki bru wakreh ka sorkar pyrdi.

Da chim ya kani ka rai hadien wa da em ki bru chipai kiwa em ha Shillong kiwa yoh COVID-19 kiwa wan na baar jylla.

Hawa kylli, da pyntip u wa kiwa dang yoh COVID-19 kiwa man ki chipai BSF toh kiwa lai chuti wei da liwan biang ki cha Meghalaya. Kamtæ da ong u wa emkaam wow pyntip cha ka MHA wa i phah kyrriah kreh yaki chipai wa kiwi ki wakreh ka sorkar pyrdi ym toh iwa biang wei wow dam chwa wow leh ya ini.

Heijooh i por da pyntip u leh wa da pynrkhiñ bha yaki kyndon manda psiah chapoh ka jylla wei kini ki chipai leh ym em yoh ki wow yachem wa kiwon kiwon wei da phah bait yaki wow leh yaka Quarantine.

Neiliang u montri i chait i khiah, u AL Hek da pyntip u wa waroh ki Sample wa da dep Test da em ki 19207 tylli wei dang yang yaka Result yong ki 580 ngut.

Kiwa dang em ya u COVID-19 toh 7 ngut kiwa em 4 ngut ha East Khasi Hills, 2 ngut ha South West Garo Hills wa uwi ha Ri-Bhoi District.

Kiwa da liwan chapoh ka District da em ki 18,823 ngut.

Share this:
Previous

Mission Sagar: Wanpoi biang ka INS Kesari ha Kochi hadien 55 sngi

Next

Phah khang lut ka sorkar yaki dukan nadooh na Byrnihat hadooh Rani