15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

U tre ka kari wa haap waka kynthai wa yap toh kiwa ya tipmit: SP

Advertisement ad1

Hadien wa chem ya i metyap ka kynthai ha Chahtngit, Jowai ha i step yong ka 4 tarik wa i oor kawi ka kari hajan i thaw wa chem ya i metyap, ki paidbah da phylla ki wa kammon wei neiyi i daw wa khlaad ko. 

Da pynsuba leh ya ki paidbah heiyatoh wa i rukom wa yap ko wa i rukom wa smat sai ya ka kari khlem em wa tip wa em ini i metyap ka kynthai hajan ini i thaw. 

Ynne ka sngi hawa yaklam wa u SP ka West Jaiñtia Hills, u Bikram D. Marak da ong u wa hadien wa chem yeini waroh da kem ya u bru uwa suba, uwa man leh u tre ka kari. 

Da pyntip u wa katkam wa man katni ympu ye u ong yei daw wa yap kani ka kynthai wei yi wa emkti wow leh ya ini i kaam neibhah wa i takit dang lai i chaphrang wei dang yang leh ya ka Bui (Report) yong ka Postmortem, ka Crime Scene Unit (CSU), ka chnat Forensic wa kiwi kiwi. 

Da pyntip u leh wa hadien wa kem ya uwi uwa da suba emkti uwa man leh u tre ka kari, hadien ini da ye wow tipmit (Identify) ya i metyap. 

Hawa kylli won lada u tre ka kari wa kani ka bru yatipmit ki iwi ya iwi, neiliang u Marak da ong u wa ye ki wow ya tipmit neibhah hadien wa kem ya uwa suba da ye wow tip chaphang yong kani ka kynthai.

Share this:
Previous

Ileh ki lok ka MDA ym chna sorkar ki da kawi lada ym em de i ya chaniah: Ampareen

Next

Khang ki paidbah yei thmu wow pynman ya ka Public Hearing wow Dam ya ka Wah Umngot ha Siangkhnai