U ujor ka HITO pyrchah ya kiwa pynpoor ya ki Video chah slaitbor ka kynthai

Ka Hynñiewtrep Integrated Territorial Organization (HITO) Students’ Wing da beiñ joor ko yeiwa jia ya kawi ka kynthai kawa da chah slaitbor ha ki soo ngut ki damok pohjait i wym ye u pdiang ha i kam ka jaitbru wa burom ya ki kynthai nadooh ki por yong rim.

Ka seiñ da ong ko wa toh u kynmoo i wa kam ki jaitbru Ynñiawtrep chim i leh yei jait ka bei wei ka kynthai toh kawa tipmit ka pyrthai yaka jaitbru yong i wei toh u burom ya ka.

Tangwa haka juk wa katni da hiar dor i burom kynthai hadooh wa dapoi u pood wa da kheiñ ya ki kynthai kam ki tiar lehke wei kam kini ki jait pyrkhat kiwa sih toh u pyndooh noh khnang wa ka imlang sahlang u man ko kawa tyrchaaiñ wei ka jaitbru leh u man ko kawa hok.

Ka seiñ da yaroh ko leh ya kani ka kynthai kawa da wan chakhmat wow klam pyrchah wei wow yaleh yei hok yong ka wei toh u man ko kam ka nongmuna ya kiwi won kiwa da ngat ha kam ini i jooh wym toh u tieñ ki wow wan chakhmat yow dawa yei hok.

Related posts

Da Register Case wei da thooh ki puilt ya u Akash Sagar

December 28, 2024

Lehkmen ka chnong Sonapyrdi yei dap 50 snem deiwa yoh ki kular wow pyndep noh u chna ya ka Multipurpose Community Hall

December 27, 2024

Neiliang ka seiñ da ong ko wa u em bait ko wa kani ka kynthai wei u e i kyrchaan heipor wa emkaam.

Ka seiñ da kypaad ko leh ya ki paidbah wow pynwiar pyndam namo wow Delete noh ya i Video wa jia yaka kynthai kiwa da poor ha ki rynsan Social Media wei lada yoh ki kam kini ki jait Video toh u lai e bait cha ki bor ka aiñ. Wei lada jia wa ka seiñ chem ko leh ya kiwa kam kini kiwa pynpoor ya kini ki Video daw ujor pyrchah ya ki.

Da kyntu leh cha ki bor ka aiñ wow pynchitom ya kini ki damok wa kiwa emkti wow leh ya kini ki kaam.