Khliehriat: U Deputy Commissioner (Excise), East Jaiñtia Hills District dapyntip paidbah u ynne wa waroh ki dukan dai kiad (Wine Shop) wa ki Bonded Warehouses kiwa da pynthymme ya ka License yong ki neibynta u 2020-21 hapoh ka District da chah ya ki wow wai ki nadooh ynne ka 13 tarik hadooh ka 17 tarik uni u bnai nadooh 1000 waje i step hadooh 1:00 waje i sngi.
Kini ki dukan toh u bood ki thij ya ki kyndon wa da booh da ki bor ka District.
Ki dukan dai kiad ha Umkiang, Malidor kiwa yajan wa u pood wa ka Assam wa kiwa em ya ki sarok khian wa ye u psiah u mih na kiwi ki jylla daw man ki kiwa khang.
Da hukum leh wa ymhoi u dai kiad palat 3 litre i kiad pharæng (IMFL) wa i Wine wa 4 litre i Beer samen bru. Ki tre dukan toh u thung ki du ya ki wakreh yong ki wei wow bahkhlieh ki leh wa krehkaam ka Social Distancing namo i jngai iwa 1 metre wa kiwi kiwi ki kyndon kiwa da booh da ka Health and Family Welfare Department, Government of Meghalaya heiyatoh wa u COVID-19.
Chooh chooh da kyntu wa ki dukan dai kiad toh u yaleh ki wow pynduna ya ki wakreh yong ki wei wow pynbiang ya ki Hand Sanitizer cha kiwa wan thied tiar heipor wa ekti ya ki klong wa i su poisa.
Toh u jngai iwi na iwi wei ki tre dukan toh u phah ki ya kiwa thied kiad wow lai cha iwi i dukan hapoh ka chnong khnang wow lait na i yalang paidbah.
Da booh kyndon leh wa u chah samen na kawi pa kawi ka manyung wow ye u wan thied kiad na kini ki dukan wei da khang leh wow lai na iwi i chnong cha iwi tawon leh.
Ki tre dukan toh u man ki kiwa bahkhlieh hajrong iwon iwon i kaam wa man pyrchah ya ki kyndon wa da booh.
Da pynksan leh wa ki dukan u wai ki nadooh 10:00 i step hadooh 1:00 i sngi donhi wei toh u krehlang ki wa ki bor ka District, ki pulit wa ki bru ka chnat Excise kamjooh leh wa ki bru ka chnat i chait i khiah.
Heijooh i por da ong wa lada em iwon iwon i thut i chongsuk namo wa mih i awri, kini ki dukan u man ki kiwa khang chipor wei ya kiwa leh pyrchah daw pynchitom ya ki katkam ki kyndon ka aiñ.
Discussion about this post