U Symbood Montri Rangbah ka jylla uwa pait leh yaka chnat Urban Affairs, u Sniawbhalang Dhar ynne da lai pait lai sylli u yei kreh yaka Wahiajer Multi Sports Complex kawa da chna ha chnong Wahiajer hi.
Kani ka Sports Complex kawa nyngkong dooh hapoh Ri-loom Jaiñtia daw wan wai noh ka ha kani ka 23 tarik da u Montri Rangbah ka jylla, u Conrad K Sangma kawa da booh mooyurim haka 29-01-21.
Ya kani ka thaw yalehke da chna hei lut wa Rs. 25 klur deiwa yarap poisa lyngba ka State Plan Scheme waka Sports Authority of India hapoh ka Khelo India Infrastructure Scheme.
Ha kani ka Sports Complex da em ka madan bol (Artificial Turf), ka Synthetic Athletic Track, ki thaw chong ke ki paidbah, ki kamra kylliang sula kiwa yalehke deilang ki kamra krehkaam.
U Sniawbhalang uwa man leh kam u MLA ka thaaiñ da ong u wa ini i wan pait u toh yow pait hadooh katwon da dep i kreh chwa wow wai noh ya kani ka thaw.
Da ong u leh wa ka thong ka sorkar yow chna ya kani ka Sports Complex toh yow pynchlur ya ki khynroo kyllood wow chimkhia ki yaka Sports kam ka laad im-ja wei daw wai ko leh ka laad yow sai yei sap ki khynroo khyllood kani ka thaaiñ.
Puræ leh: Wan booh mooyurim u Conrad yaka Wahiajer Multi Sports Complex wa chongdor T. 25 klur
Discussion about this post