Ka Deputy Prime Minister ka Thailand, ka Suphajee Suthumpun da pynbna ko yei ya krehlang wa ka India lyngba ka “Trusted Strategic Partnership” ha ki jait kaam wow ye u yarap ki ar ri.
Ini u kynthup ko ha ki kaam khayi pateiñ, i chna ya ki mar tynre wa kiwi de ki kaam.
Yeini da leh hei yachem ha New Delhi hapyrdi ka Suphajee Suthumpun wa u Minister of Commerce & Industry ka India, u Piyush Goyal.
Ka Suphajee da ong ko wa ki ar ri em ki ki jait kaam kiwa ye ki wow yarap kylliang yow myntoilang kiwa em san jait.
Kawi toh ka “Co-Creation, Co-Investment” heiwa ka Thailand em ko ki karkhana wa pynmih mar, i ye wow pynmih smat ya ki mar, wei man ko kam ka dwar cha ki ri South East Asia kamjooh ka dkhot ka ASEAN wei ka India won em ko ki bru kiwa stat u chna tiar kamjooh ka stat Technology.
Ki kaam wa da tyrwa toh i pynmih mar baam namo ki Processed Food deiwa pynemkaam da ki mar rep deiwa chna ki cha kiwa boon jait ki mar baam.
Ki kaam Health and Wellness deiwa chim kabu ya ka Medical Technology, ki kaam sumaar dei stat tynre kamjooh i em boon ki bru wa pliah ya ini i kaam.
Kawi won toh ka Green Industry wa i pynmih wei chna dur ya ki moo kordor deilang i ksiar i rupa (Gems and Jewellery).
Kiwi de toh ki kaam Hospitality yow chim kabu yeiwa da chemphang ka Thailand ha kini ki kaam yow yoh kreh ki khynroo khyllood ha ki kaam Tourism.
Iwa khaddooh toh yow pynsuk yei rukom su hapyrdi ki ar ri deiwa pynyatipmit ya ka Unified Payments Interface (UPI) ka India wa ka PromptPay wa pynemkaam ha Thailand.
Kini ki rukom su deiwa pynemkaam da ki QR-Code daw pynsuk ko wow su ha ka khayi pateiñ nadooh kiwa khian wa kiwa rap heh (micro, small, and medium-sized enterprises) kamjooh leh ya kiwa lai uiñke suwari.
Da yooluti wa waroh kini daw ye wow pynbait khaddooh ha u bnai October hawa daw pynman ka Thailand ya ka Joint Trade Committee (JTC) ha Bangkok yow booddien ya kini ki kaam neibynta u ya krehlang.
Discussion about this post