Ka West Jaiñtia District Sports Association (WJDSA) da e khublei ko ya u MLA ka Jowai, u Wailadmiki Shylla uwa da kular wow pynku yaka song poisa ka yalehke Super Division kawa tip leh kam ka Kiang Nangbah Memorial Trophy.
U Wailadmiki uwa da wan kam u kongsan ynnin ka sngi hawa pynhaap pyrda yaka yakhun Final da ong u wa oo daw e poisa u yow pynku noh yaka song poisa naka Rs. 50,000 cha ka Rs. 1,00,000 neibynta ki Champion katwa kiwa rem Final won u pynku noh naka Rs. 30,000 cha ka Rs. 50,000.
Kamtæ ka WJSDA da pyn-eh-daw pyn-eh-nasib ko ya u MLA deiwa ong wa u Blai Kynrad u emlang u wa oo yow yoh u yei doh i phaad wa chait wa khiah khnang wow nang ye u wow kreh neibynta ka Constituency wei kamjooh ya ka jylla waroh kawi.
U Wailad da pyntip u wa yeini pynku ya ka song poisa u man ko kat hadooh wa dang yoh u wow man MLA.
Discussion about this post